______________
*رسمتي كمالعادة*
مساء الخير.. مساء آخر يوم بأطول إجازة مرت عليّ، خمس شهور.
مساء الخير والحماس للسنة الجديدة.
والآن راح يبتدي يتنظم روتيننا.
على كلٍ راح أتكلم عن مديول الجهاز التنفسي اللي ما أتذكر فيه ولا شيء كثير.
فعلا أحسه مشوش بدماغي، ماني فاكرة بالضبط إيش صار.
أتذكر أغلب هذا المديول اللطيف محاضرات فسيو، والفسيو فيه لذيذ لذيذ مرة.
يعني أمانة ما فيه شيء يتعبك بهذا المديول ودرجة الـ أ+ مضمونه فية.
*ن*
جينا لهذا المديول بعد ما مرينا بالكثير وكونه آخر واحد وسهل وشوية
هذه ممكن تكون أسباب للتكاسل.
ولكن المفروض العكس، المفروض يُستغل هذا البلوك.
المحاضرات ككمية شوية وكمعلوماتية تستوعب برضو المعضلة هو الضغط اللي صار أول.
أتوقع هذا الشيء الوحيد اللي ممكن يكون سبب سوء المديول الاخير.
ومع ذلك يبقى سبب تافهه وعذر سخيف للي راح يتحجج.
مرة سهل.
الميد ممتاز وكمان الفاينل.
وهذا بفضل ربي 3>
_______________________________
*لوحة ملاحظاتي*
وبكذا أنتهت سنة ثانية طب بخيرها وشرها، أنتهت وتغيرت فيني معتقدات ومفاهيم كثير.
صايرة أقدر الوقت، أهتم أكثر بنفسي، أتحمل مسؤولية أكبر، سنة وحدة غيرت في ماهيتي أكثر من أي سنة.
أنا ممتنة ولا أتذمر ولا أشتكي، الحمدلله.
وبكرة بداية سنة ثالثة طب، الله يعطيني خيرها وخير ما فيها ويصرف عني شرها وشر مافيها.
يارب تكون سنة خير على الجميع ونحصد فيها أعلى الدرجات.
يارب وأنت الموجود في قلبي والموجود حولي، يسر لي كل ما يضيق صدري.
يا رب وأنت السامع المجيب سهل لي كل صعيب.
أول يوم دراسي ممتع بإذن الله.
